12/14/16

අවසර

සපත්තු නොදමන අවසර
සපත්තු ගලවන අවසර
හදිස්සියෙම අනවසරෙන්
කඩේට ගොඩ වුණ අවසර

සල්ලි ගෙවන් නැති අවසර
මිළදී ගන් නැති අවසර
මිල වෙනුවට සපත්තුවේ
චිත්‍ර බලනවද අවසර

චක්‍රය නොම දත් අවසර
චිත්‍රය පටලන් අවසර
සක්‍රය කිව්වත් ඒ බව
පිළිගන්නේ නැති අවසර

සුක්කානම නෙවි අවසර
ඕකුන් හම්බයො අවසර
රට ඉඳලම ඔය කඩේට
විතරක් එන බඩු අවසර

හිමිකරුවා රට අවසර
ඕකිත් මහ හෙර අවසර
බුද්දාගම්කාරී කියල
විශ්වාසත් නැහැ අවසර

පොලිසියත් ඔබ අවසර
උසාවියත් ඔබ අවසර
කඩේ කෙල්ල එල්ලන්නට
පෝරකයට යමු අවසර

සිද්ධාර්තෙ තෙල් අවසර
බුද්දරාජ ගුලි අවසර
පුංචි කාලේ දීල නැද්ද
ඒකෙ වැරැද්ද ද අවසර?

බුදු හාමුදුරුවො අවසර
පෙරලන්නට දැමු අවසර
කරත්ත රෝදේ  ගරාදි 
පිටට පැන්නෙ ඇයි අවසර?

අගේට පෙරළුණු අවසර
හැමෝම සැනසුණු අවසර
එදා පටන් කැරකුණු එක
නතර වෙලා නෙව අවසර

නැව් සුක්කානම අවසර
කරකවන්නෙ ඔබ අවසර
නැන්ගුරමත් දාගෙන නෙව
ගමන යන්නෙ කොහෙ අවසර?

ලෝකෙ ඉන්න උන් අවසර
මොකට අරින්නද අවසර?
ඔබ අවසර වැඩ අවසර
ඉන්නවනම් ඇති අවසර

7 comments:

  1. පොලීසිය, උසාවිය, නැව් සුක්කානම, ධර්ම චක්‍රය ,සපත්තු දෙක, කඩේ කෙල්ල, බිස්නස්, ආගම, වීඩියෝ, ඉන්ටනෙට්, කහ සිවුරු බලකා,කළු රැවුල් බලකාය.....මට නම් පිස්සුයි වගේ.
    අවසර....අවසර...අවසර....
    ගොනා යන්නේ අඩමානෙට
    කරත්තයක හඬ ඇහුනම යන්න හිතෙනවා පාරට

    ReplyDelete
  2. නිකමට ආවේ අවසර
    කවිය කියෙව්වා අවසර
    හරිම රහයි මුල්ම වරට
    අදමයි ආවේ අවසර........

    ජයවේවා!!!

    ReplyDelete
  3. සිව්රු ගලවා තාර ආලේප කලයුතුය

    http://raj1st.blogspot.com/?m=1

    ReplyDelete
    Replies
    1. Correct link

      http://raj1st.blogspot.com/2016/12/blog-post_15.html

      Delete